DF 4782

En myndighet, förmodligen domkapitlet i Åbo, skildrar förloppet af en olyckshändelse, då ärkepresbytern i Åbo Paval Scheel ådragit sig kroppskada, samt intygar att han dock ej blifvit till prästerlig förrättning opasslig.

Koncept, något skadat, sammanskrivet med nästföljande FMU n:o 4783, i Scheelska saml. i Helsingfors universitetsbibliotek. Grönblads Nya källor till Finlands medeltidshistoria n:o 51.

Quidam Paulus Scheel, secretarius episcopi Aboensis et actu archipresbiter in ecclesia Aboensi prefata, homo prouidus, corpore ac statura decorus, morum honestate, genere et scientia preclarus, ex vtroque parente nobilis multisque amicis in partibus illis sanguine federatus ac in artibus magister, cum quadam vice vna cum domino suo episcopo Aboensi ex remotis diocesis sue partibus, a confinibus videlicet scismaticorum Ruthenorum, ffamilia episcopi ibidem pro tuicione fidei catholice et sue diocesis dimissa hora tarda serotina ad castrum prefati episcopi nauigio reuerteretur jusissetque episcopus suis, qui secum in naui erant, ut bombardas aliquas emitterent, ne aduentus suus prefecto et familiaribus in castro existentibus inopinatus existeret eisque timorem incuteret, accidit ut prefatus Paulus, cum pauci ad hoc faciendum presentes ac prompti fuissent (statim presentes essent), assumpta inconsiderate quadam bombarda eam laxare ac dimittere conabatur, que subito, prout aduersa voluit fortuna, inter manus suas in partes minvtatim confracta ac rupta pollicem sinistre manus eius illico sibi amputauit, reliquis quatuor digitis eiusdem manus saluis et integris remanentibus. Et licet sic mutilatus corporeque viciatus ……. posset tamen apte, honeste et sine scandalo cum jndice ac medio eiusdem sinistre manus …… dextera enim penitus salua existente, altaris ministeria ac alia quecunque sacerdotalia officia …… te exercere. Quare humiliter et deuote supplicatur pro eodem ut secum …… ministerium altaris misericorditer dispensetur etc.