DF 4783

Utkast till en supplik, eventuellt af biskop Magnus Stjernkors, till påfven om konfirmation för Paval Scheel å ärkepresbyterämbetet i Åbo oaktadt han genom våda lidit kroppsskada.

Koncept, något skadat och skrivet på samma papper som FMU n:o 4782, i Scheelska saml. i Helsingfors universitetsbibliotek. Grönblads Nya källor till Finlands medeltidshistoria n:o 52.

Beatissime pater, alias dem …… sanctitatem vestram Paulus Scheel, canonicatum in ecclesia Aboensi optinens, aduersa fortuna inuidente ex ruptura cuiusdam bombarde, quam propter necessarias causas in manibus suis tenens dimittere ac relaxare conabatur, pollicem sinistre manus in toto ammisit et mutilatus ad altaris ministerium, quin eciam, vt timetur, ad beneficium aliud preter id, quod tunc optinebat et presertim sacerdotale officium requirens, inhabilis est effectus, Nichilominus deuota creatura, sanctissime pater, episcopus Aboensis, de vnanimi et expresso consensu deuotorum oratorum vestrorum, eiusdem ecclesie Aboensis canonicorum et capituli, de benigna sanctitatis vestre dispensacione et confirmacione confisi, eidem oratorj eo, quod homo sit genere, scientia ac morum honestate preclarus, corpore et statura decorus, ex vtroque parente nobilis et in artibus magister multisque in partibus illis sanguine federatus, archipresbiteratum, que vltima in eadem ecclesia dignitas existit et per prefatam creaturam vestram, modernum episcopum, nouiter restituta, paulopost certo modo vacantem, tamquam patronus, fundator et institutor prefate dignitatis, contulit et de eadem sibi auctoritate ordinaria prouidit. Quare humiliter supplicatur sanctitatem vestram pro parte dicti oratoris vestri, quatenus collationen et prouisionem huiusmodi sibi factas cum prouentibus iiij marcas argenti secundum communem annone varie existimationem non excedentibus de benignitate apostolica digneminj confirmare etc., attento quod persona eminens et digna sit ac in prefatum defectum sine sua grandi culpa inciderit. – (På konceptets baksida:) Ffiat hec supplicacio uel nomine oratoris uel ex parte episcopi et capituli coniunctim uel diuisim, prout domino abbreuiatori videbitur, expedire.

Magnus, Dei …